Maging ako ay nag selebreyt din ng nyu year. Hindi nga lang palagi. Once a year lang. Dahil ang totoo, wala akong hilig sa anumang klase ng okasyon. Bored ako. Habang ang lahat ay nagsasaya, ako naman ay nakangiti lang sa isang tabi at tahimik na tsumitsibog.

Para sa inyong dagdag kaalaman, killjoy po ako. KJ. Kaya huwag na wag nyong aasahan na kayo ay makakabasa dito na inyong ikatutuwa.





Pero dis year medyo naki selebreyt ako. Medyo lang. Nahawa siguro sa nag uumapaw na kasiyahan mula sa mga simpleng bata. Nasiyahan ako pero syempre hindi halata. Medyo impit lang ang tawa, smile ng konti sabay bawi. Kailangan consistent.

Ewan ko lang kung me nakakita, pero tumalon ako nung nyu year. Ito lang talaga ang isang task na kailangan kong gawin tuwing bagong taon. Ipagbawal na nila lahat ng klase ng paputok, lahat na, wag lang ang pagtalon. Hangad ko pa ring madagdagan ang aking height kahit alam kong imposible. Ibibigay ko pati pagkalalaki ko para lang tumangkad. Bakit kasi ngayon lang ibenenta yang Cheriffer syrup na yan. Kung kelan hindi na pwede sa age bracket ko. Kaya every year tuloy, patago akong tumatalon. Wala lang. Wala namang mawawala e. Malay natin.

Ngayong 2008, itotodo ko na. Tatalon ako maging sa darating na Chinese new year! Basta.