Binili ko kanina ang aking ika siyam na rice cooker sa loob ng tatlong taon. Totoo. Walo na ang nasira ko. Ayaw nang uminit. Ilang araw na itong nangyari at ilang araw na rin akong naging balisa, bugnutin, nawalan ng gana sa internet at hindi makapag blog. Hindi kasi ako mabubuhay ng wala ang aking all-around na lutuan. Kaya’t kanina walang nakapag pigil sa aking bilhin ang medyo mahal na brand sa pag asam na ito’y medyo tumagal.
Naging masigla ang buhay ng madiskubre ko ang ginhawang dulot ng rice cooker. Akalain nyo ba naman, na eliminate na ang lighter, posporo, o ang apoy, isasaksak lang sa kuryente! Amazing. Hindi ko talaga hilig makisawsaw sa kusina subalit dahil sa malaking discovery/invention na ito sa siyensya, aba’y nagbago ang lahat! Kaya ko na magsaing ng walang kahirap hirap. Maglaga ng itlog, magpakulo ng noodles, ng oatmeal. Nagawa ko na ring mag- adobo, mag-sinigang, ginisang monggo, nilagang baka, maging mag prito ng isda ay napakadali! (Ako lang ata ang nakakapag prito sa ganitong paraan.) Para sa inyong dagdag kaalaman, meron po kaming oven, pero ang rice cooker, akin lang at ako lang pwede gumamit. Ganyan ako kasakim. Kung sino man ang naka imbento nito, para saken, nararapat lamang bigyan ng parangal –Nobel Prize, Pulitzer Prize, Oscar, Famas, Bayaning Pilipino—kahit ano, basta award.
Pero ewan ko ba at hindi ito tumatagal sa akin. Napag tripan ko na ring butingtingin ang mga sira kong rice cooker para alamin kung bakit hindi ito umiinit sa pag asang ito’y maaayos ko pa at nang makatipid. Syempre hindi ko naaayos, ni hindi ko nga maibalik sa dating porma e. Sinisisi ko na lang ang aking sarili dahil sa palaging pag gamit nito. Kahit madaling araw, isasaksak ko yan makapagluto lang ng LuckyMe!
Lucky is me talaga dahil ngayon meron na naman akong bago. Ganda pa ng kulay. Silver. One week warranty nga lang daw. Ok lang. Bili na lang ng bago kapag nasira. Marami pa kasi akong gusto lutuin sa de kuryenteng saingan na ito—spaghetti, carbonara, pizza.
Ngayon naisip ko, bakit ba bili ako ng bili ng rice cooker. Bakit hindi naman microwave. O di kaya e yung ultra sleek Q-Stove, de uling na pwede ihawan. Ewan ko din. Basta.
dear abou,
una, abou sayap ka ba o abou bakr?
di bale na ang mahalaga ay ikaw laang ang abou na kilala ko.
panagalawa, penge namang rice cooker. cge na. medyo nanggigitata na kasi ang nasa bahay ko. mahilig kasi akong magluto ng kung ano ano dito kaya ayun kung anu ano na din ang amoy neto.
cge sana ay magtagumpay ka sa susunod mong pagbili ng rice cooker.
naghihintay ng rice cooker,
utoy (may takip sa ilong habanag nagsusulat)
lam ko na.. abourido!
Nice blog u have:) u take care and have a wonderful day!
yung pagluto ng rice sa rice cooker is the first thing i learn in cooking.. next is cooking not with rice cooker. hehehehe..
grabe naman ang malas.. 8 rice cooker in 3 years.. bili ka kaya ng mahal at branded para matibay..
Una sa lahat, bakit maganda ang layout mo, Mr. Abou?
Pangalawa, gusto ko din ng ganyang layout. Paturo naman =D
Pangatlo, Natawa ako sa post na 'to :))
Pang-apat, wala lang.