Yan ang sabi ng tabloid para ngayong araw. Kaya kelangan bawas yabang muna habang nakikinig ng classical na tugtog at naka yellow green. Shetness, hindi ata ako yan.
Kapag nakakalito ang buhay-buhay, horoscope ang syang takbuhan ko sa susunod kong mga hakbang. Pumalpak man, syempre horoscope lang ang masisisi.
Noon yun.
Nadala na ako. Kalimitang pumapalpak ang aking buhay sa kakasunod niyan. Ngayon binabasa ko na lang ang horoscope ng ibang tao. Gemini: ang zodiac sign ng taong nagpapatibok ng puso ko. Leo: zodiac ng taong nagpapapintig ng aking puson. Binabasa ko ang kapalaran nila araw-araw para malaman kung sumasang ayon ang mga bituin sa aking masasamang balak.
Mas trip kong basahin ang tagalog na horoscope. Me lucky numbers kasi. Na kapag tinayaan mo sa lotto e unlucky naman. Kaya sa susunod naisip ko, bago tumaya, basahin muna ang lucky numbers, tapos ibang numero ang tatayaan. Baka mas malaki ang tsansang maka tsamba.
Ang kapalaran kasi kung minsan tsambahan. Hindi natutumbok ng kutob ng horoscope. Pero basa pa rin ako ng basa. Parang hinihintay ang hulang magpapasaya sa akin. Kung ako ang gagawa ng sariling prediksyon, malamang ganito ang isusulat ko:
SAGITTARIUS (Nob. 23-Dis. 21) - Hindi ka lamang yayaman sa lotto bukas, mapapasakamay mo pa sina Gemini at Leo ng sabay. Para mapanatili ang lakas, limitahan lamang sa pitong beses ang pagkikipagtalik.
(*Wala sa Topic ito*) Ang kapalaran nga naman. Maganda ata ang hilera ng konstelasyon nung araw na nalaman kong nominado ang blog na ito sa Philippine Blog Awards. Ako lang ata ang nag-iisang jologs na napasama sa disente at kagalang galang na listahan. Hindi ba nila alam na wala akong sariling url? Na hanggang ngayon e default pa rin ang header-banner ko?
Sa maikling salita, ako ang pampagulo sa listahan. Swerte ko naman.
At dahil makapal ang aking mukha, ibinoboto ko ang aking sariling blog
